Cristiano Ronaldo vazhdon të thyejë rekorde. Me golin e shënuar në Superkupën e Italisë, portugezi arriti në kuotën e 760 golave në karrierën e tij, duke ndihmuar Juventusin të fitonte trofeun e parë të këtij sezoni.
Titulli si golashënuesi më i mirë në historinë e futbollit është bërë shkas për debat, me FIFA-n që nuk mban një regjistër zyrtar të golave të shënuar, por sipas mediave sportive goli i Ronaldo-s ndaj Napolit e çon yllin portugez në vend të parë, duke lënë pas sulmuesin austriak, Xhozef Bikan.
Bikan, ashtu si edhe sulmuesit brazilianë Pele dhe Romario, kanë shënuar mbi 1000 gola gjatë karrierave të tyre, por këto statistika i referohen edhe ndeshjeve amatore dhe miqësoreve.
Gjatë karrierës së tij, Ronaldo ka shënuar në të katër Ligat Kryesore të Europës ashtu si edhe 102 gola me Kombëtaren portugeze. 35-vjeçari ndiqet në këtë renditje nga rivali i tij i përjetshëm, Lionel Messi, i cili muajin e kaluar shënoi golin e tij të 644-t për Barcelonën.
