Ish ministri i Brendshëm, Flamur Noka, përmes një postimi ka reaguar në 10 vjetorin e protestës së dhunshme të 21 janarit, ku fatkeqësisht humbën jetën 4 qytetarë.
Noka thotë se Edi Rama “qau” me lot krokodili dhe çdo vit mashtroi familjarët e të vrarëve dhe këtë do të bëjë edhe këtë vit.
Pikërisht për këto ceremoni boshe që përsëriten vit pas viti, sipas Nokës, shqiptarët tanimë ia kanë pirë lëngun Edi Ramës dhe të tijve.
“21 Janari është dita që akuzon Edi Ramën. Është dita që dëshmon se Edi Rama është gati të bëjë gjithshka për pushtetin.
Si sot 10 vjet më parë i etur për pushtet i mashtroi, i mblodhi e i çoi drejt vdekjes.Më pas i qau me lot krokodili e çdo vit i mashtronte e i “qante” e ju premtonte drejtësi kur të marrë pushtetin.
Kur mori pushtetin i mashtroi përsëri se do ketë drejtësi kur të vij “drejtësia e re “.
Sot ka 4 vjet që e ka nën kthetra “drejtesine e re”, por nuk bën dot drejtësi se drejtësia duhet të bjerë vetëm mbi atë vet.
Ndaj vetëm i mbledh e i mashtron e i qan me lot krokodili.
Fajtori është nje dhe vetëm një. Është ai vetë, është Edi Rama. Ora e tij po mbaron. Është i braktisur dhe askush se ndjek dhe si beson. Mashtrimeve të tij shqiptarët jua kanë pirë lëngun. 25 Prilli dita e ndëshkimit të tij” shkruan ish-ministri i PD në rrjetin social.
