Atalanta nuk shkoi më shumë se një barazim 1-1 në sfidën e prapambetur të Seria A kundër Udineses.
Bardhezinjve iu deshën vetëm 24 sekonda për të kaluar në avantazh. Roberto Pereyra u gjend i pambuluar në krahun e djathtë, duke e patur shumë të thjeshtë shënimin e golit.
Në fundin e pjesës së parë, Atalanta gjeti golin e barazimit, me Luis Muriel që driblon këdo që i del përpara dhe më pas e ka të thjeshtë për të realizuar.
Pavarësisht zëvendësimeve të Gasperinit, rezultati nuk do të ndryshonte deri në fundin e ndeshjes. Atalanta tashmë ngjitet në kuotën e 33 pikëve, po aq sa edhe Juventusi, që ka një sfidë për të rikuperuar.
