Kreu demokrat Lulzim Basha ka caktuar drejtuesin politik për qarkun e Kukësit. Kështu pas caktimit të Tomor Alizotit në Berat, Basha ka përcaktuar si drejtues Qarku në Kukës, Arben Çejkun, ish-ambasador i Shqipërisë në Maqedoni.
Çejku ishte një nga emrat e propozuar për deputet nga baza e PD në këtë qark dhe u kualifikua në etapat e mëpasshme që shoqëruan procesin.
Më parë Qarku i Kukësit drejtohej nga Flamur Noka.
Brenda pak ditësh, kreu demokrat Lulzim Basha ka përcaktuar drejtuesit e qarqeve në Shkodër, Lezhë, Dibër, Kukës, Elbasan, Fier, Berat, Vlorë, Durrës, Korçë, ndërkohë që pritet të caktohen drejtuesit e qarqeve në Gjirokastër dhe Tiranë. Raportohet se për Qarkun e Tiranës, i cili në zgjedhjet parlamentare të 25 qershorit do të ketë plot 36 mandate, do të ketë më shumë se 1 drejtues politik.
