Një mjek është lënduar në Dibër, pasi ka rrëshqitur në një rrugë të mbuluar nga akulli.
Rrugët e qytetit të Peshkopisë janë kthyer në një problem për këdo për shkak të prezencës së madhe të akullit.
Qytetarët janë të pakënaqur prej ditësh për neglizhencën e Bashkisë Dibër. Madje një prej atyre që e kanë pësuar keq nga akulli është edhe një mjek në spitalin Rajonal Dibër.
Ai është rrëzuar në akull teksa shkonte në punë ku dhe ka pësuar fraktura të rënda. Mjeku në fjalë është dërguar në spitalin e traumës në Tiranë ku po merr mjekim të specializuar.
