Partia Socialiste ka nisur fushatën në Vlorë, të paktën 3 muaj përpara zgjedhjeve të 25 prillit.
Përgjatë Lungomares janë vendosur postera të Kryeministrit, ndërsa qytetarëve u kërkohet të votojnë Edi Ramën.
Një pjesë e posterave janë me projektet e ndërmarra nga Rilindja në qytetin ku vetë Rama është mandatuar si deputet.
Kjo është hera e parë që një forcë politike angazhohet 3 muaj para zgjedhjeve në një fushatë me postera, ndërkohë që zyrtarisht fushata nis në muajin mars.
Posterat janë vendosur përballë një lokali, ndërsa nuk duhet se kush e marrë këtë iniciativë.
Gjithashtu nuk dihet nëse nga KQZ do të ketë ndonjë reagim, megjithëse prej disa javësh aktet normative të miratuara prej saj që synojnë të disiplinojnë ministrat, Kryebashkiakët dhe zyrtarët e tjerë të Rilindjes, lidhur me mospërdorimin e aseteve shtetërore, po shpërfillen.
