Korça dhe Dibra janë zgjuar mëngjesin e sotëm “të veshura” nga petku i bardhë i dëborës. Në qytetin juglindor trashësia e dëborës ka rritur deri në 5-10 cm në qytet dhe në zonat malore deri 15-20 cm. Nga sa raportohet nuk ka problem në qarkullim në akset kryesore. Kompanitë e mirëmbajtjes po vijojnë punën për mirëmëbajtjen e rrugëve.
Në aksin kryesor Qafë Thanë- Kapshticë kalueshmëria është normale, por rekomandohet me zinxhir. Janë hapur akset rrugore Libonik-Sheqeras-Orman-Rembec-Pojan-Zvezde-Golloberdë-Potgorie-qyteti Maliqit. Për në fshatin e Dardhës qarkullimi detyrimisht me zinxhirë dhe i vështirë për shkak të akullit në rrugë. Komuna e Dardhasit të sipërm është izoluar, po ashtu edhe zona e Panaritit dhe Lekasit ku bora ka arritur në 30 cm.
Mësohet se kanë pasur problem me energjinë në Sheqeras, Sovjan e zonën e Gorës.
Ndërkohë, akulli dhe ngrica kanë ‘pushtuar’ edhe rrugët e Dibrës. Policia iu bën thirrje përdoruesve të mjeteve tē përdorin zinxhirët, si pasojë e ngricave dhe motit. Probleme me energjinë ka në njësinë administrative Shupenz.
