Një vrasje e dyfishtë ka ndodhur mbrëmjen e djeshme në periferi të Anconas në Itali. Dy shqiptarë, vëllezër, janë vrarë në lagjen Valverde.
Mediat italiane raportojnë se viktimat janë vëllezërit Agron Lleshaj, 27 vjeç dhe Alban Lleshaj 24 vjeç rezident në Parabiago (Milano) Në orën 23:00 policia u njoftua nga një telefonatë për një ngjarje që dukej si aksident, por rezultoi ndryshe. Kur mbërriti policia, panë se dy trupat në makinë ishin mbushur me plumba. Ata duket se kanë tentuar të shpëtojnë, por nuk ia kanë dalë dot dhe kanë vdekur nga breshëria. Dyshohet se ka qenë atentat i përgatitur, pasi autorët kanë qëlluar me breshëri nga një tjetër automjet. Hipoteza më e mundshme është ajo e konflikti për tregtinë e drogës dhe trafikun e prostitucionit. Policia po heton lidhur me ngjarjen dhe gjetjen e autorëve.
