Ikona argjentinase e futbollit, Diego Armando Maradona ndërroi jetë në moshën 60-vjeçare si pasojë e një arresti kardiak. Duke lënë prapa një karrierë legjendare në futboll, Maradona u shua nga kjo jetë duke u kujtuar nga figura të shumta publike.
Një ndër ta është edhe kuzhinieri turk me famë botërore, Nusret Gokce, i cili ka pasur rastin të gatuajë disa herë për argjentinasin.
Në nderim të tij, Nusret, ka rezervuar si të veçantë një nga tavolinat e tij në restorantin e tij në Dubai, për të kujtuar përjetësisht futbollistin legjendar.
Së fundmi, ai ka publikuar një video në Instastory ku tregon si duket tavolina e legjendës. Në këtë kënd të veçantë të restorantit luksoz në Dubai shihet një foto e Nusret me Maradonën, një tufë lule, qiri dhe një tabelë ku lexohet ‘e rezervuar’.
