Disa ditë më parë Tirana njoftoi arritjen e marrëveshjes për huazimin e Taulant Seferit deri në fund të sezonit nga skuadra e Young Boys.
Më pas prezantimi i sulmuesit u shty për shkak se bardhebluve iu bllokua në mënyrë të befasishme kontrata prej një parregullsie në transferimin e Moctar Cisse rreth 5 vite më parë.
Gjithsesi, bardheblutë zgjidhën gjithçka duke paguar dëmshpërblimin për klubin maroken të Wydad Casablanca, e cila kishte fituar gjyqin, dhe mundën të marrin lejen e FIFA-s për hapjen e merkatos.
Direkt pas kësaj ka ardhur edhe federimi i Taulant Seferit, i cili siç njoftohet nga Tirana, do të prezantohet mbrëmjen e sotme në orën 19:00 në ambientet e stadiumit “Selman Stermasi”.
