Reshjet e dendura të shiut në Elbasan gjatë natës kanë fryrë lumin e Shkumbinit duke rrezikuar që të dalë nga shtrati. Lumi është fryrë në pikat e tij maksimale nga prurjet e shumta të ujit, duke bërë që situata të jetë serioze.
Edhe përroi i Zaranikës është fryrë dhe rrezikon gjithashtu të dalë nga shtatit. Dalja e tyre nga shtati mund të sjellë përmbytjen e tokave rreth tyre.
Situata problematike paraqitet në disa qarqe të vendit si në Lezhës, Shkodrës, Vlorë, Durrës, etj. Deri më tani raportohet për mijëra hektarë tokë të përmbytur, si dhe rrugë të shembura e shtëpi të “pushtuara” nga uji.
E ndërkohë që situata është kritike, mbrëmjen e djeshme, nga Dubai, u shfaq një video, ku disa prej ministrave të Qeverisë Rama darkonin në një prej restoranteve luksoze, në prani të biznesmenit Samir Mane.
