Rregullatori europian i barnave pret që prodhuesi AstraZeneca të aplikojë për miratimin e vaksinës së Covid-19 në javën e ardhshme.
Injeksioni i AstraZeneca, që u zhvillua në bashkëpunim me Universitetin e Oksfordit, mori autorizim nga autoritetet britanike më 30 Dhjetor.
Autorizimi për përdorim emergjent u ndoq nga vende si India, Argjentia, Republika Domenikane, El Salvador, Meksika dhe Maroku, për imunizimin e të rriturve. Zv/drejtori i Agjencisë Europiane të Barnave, Noel Wathion, tha javën e kaluar se miratimi i vaksinës së AstraZeneca këtë muaj duket i papërshtatshëm, pasi kompani nuk ka dorëzuar mjaftueshëm informacion.
Megjithatë, organi rregullator deklaroi në Twitter se mund të marrë një vendim mbi vaksinën në fund të muajit Janar.
Agjencia Europiane e Barnave ka rekomanduar deri më tani vaksinat e Pfizer me BioNTech dhe atë të Moderna.
