Në orët e fundit, situata paraqitet e rënduar nga përmbytjet edhe në njësinë administrative të Sukthit.
Nga raportimet, mësohet se me dhjetëra hektarë tokë në fshatin Vadardhë janë nën ujë.
Uji shkon deri në 1 metër. Ka përmbytje edhe në banesa. Banorët e tyre janë larguar te të afërmit pasi kanë siguruar gjenë e gjallë.
Ndërkohë të gjithë sytë i kanë drejt lumit Erzen. Autoritetet bënë me dije se tre familje me 10 persona janë transferuar në kavalishencë që mbrëmë.
“Situata është shumë e rënduar për shkak të daljes nga shtrati te kanali, por fatmirësisht deri tani nuk ka dalë Erzeni në pikat kritike. Kemi larguar të gjithë banorët në zonat që rrezikojnë më shumë nga Erzeni. Aktualisht janë tre familje prej 10 personash të cilët i kemi transferuar në kavalishencë që dje në darkë, janë banorë të fshatit Vadardhë. Situata po përkeqësohet, grupet e emergjerncave i kemi në terren. Parashikimi nuk është i mirë. Gjënë e gjallë e kanë lëvizur vetë banorët. Janë dhjetëra hektarë të mbuluara nën ujë. Kemi disa shtëpi që janë nën ujë në Vadardhë, uji shkon në 1 metër, banorët kanë shkuar te të afërmit e tyre”./ Oranews
