Ish-deputetja e PD, Orjola Pampuri, nëpërmjet një statusi në rrjete sociale shprehet se kryeministri Rama, mendon vetëm për veten e tij, ndërsa shqiptarët jetojnë në mjerim.
Bashkangjitur statusit, Pampuri ka publikuar edhe një video ku dëgjohen qytetarët të cilët tregojnë vështirësitë ekonomike.
Pampuri thekson se për Ramën, kanë rëndësi intrigat e pushtetit dhe jo vendimet që u shërbejnë qytetarëve.
Reagimi i plotë i Pampurit
Edi Rama kujdeset vetëm për Edi Ramën. Ai është kaq i shkëputur nga realiteti, sa nuk do t’ia dijë që me mijëra familje janë në çadra, mijëra të tjerë nuk kanë ushqim për fëmijët dhe mijëra e mijëra prindër e të rinj janë të papunë.
Këtë ka bërë për 8 vjet. Edi Rama është dështim. Për të kanë rëndësi intrigat e pushtetit jo vendimet që u shërbejnë njerëzve.
Shikojeni videon!
Aty është e vërteta, kontrasti mes njerëzve të zakonshëm në hall dhe jeta luksoze e kryeministrit që i kanë mbetur edhe 107 ditë nga largimi.
