Ish-sulmuesi i Partizanit, Caleb Ekuban vazhdon të shkëlqejë në futbollin turk. Pasi i dhuroi fitoren Trabzonsporit ndaj Karagumrukut në transfertë, 26 vjeçari ganez bëri sërish heroin në përballjen e sotme ndaj Goztepes, duke shënuar golin e fitores në triumfin 1-0.
Dy gola me vlerë 6 pikë, në këtë vit të ri kalendarik, për ganezin, i cili është shndërruar në një lider te skuadra turke e Trabzonsporit. Ndërkohë që ky ishte goli i pestë sezonal për Ekuban në 11 ndeshje të aktivizuara.
Me këtë triumph Trabzonspori u ngjit në vendin e 7-të me 26 pikë në 17 ndeshje. Sfidën e radhës skuadra e ish-futbollistit të Partizanit do ta luajë në transfertë ndaj Antaljasporit.
