Epidemiologu i njohur, Ilir Alimehmeti, ka publikuar në rrjetin social, studimet më të fundit, lidhur me Covid-19 dhe mundësinë e ri-infektivimit.
Referuar të dhënave nga Universiteti i Oksfordit, Alimehmeti shkruan se minimalisht antitrupat ju mbrojnë 6 muaj, ndërsa shton se studimet që priten këtë vit mund të konfirmojnë një kohëzgjatje edhe më të madhe.
Lidhur me të dhënat e infektimit të mjekëve apo stafeve mjekësore, Alimehmeti shkruan se bazuar në studim, bie direkt në sy se sa e vogël (1.96%%) është përqindja e infektimit në periudhën pas marsit 2020, që tregon se mbrojtja e personelit shëndetësor ka qenë shumë e përshtatshme në Britaninë e Madhe.
“Fatkeqësisht, në Shqipëri të infektuarit ndër personelin shëndetësor në të njëjtën periudhë kanë qenë shumë më shumë, duke dëshmuar qartë mungesën e masave mbrojtëse të përshtatshme, përfshirë edhe mungesën e testimit sistematik të personelit shëndetësor”, shkruan epidemiologu i njohur.
Postimi nga Ilir Alimehmeti
“Pikërisht në kohët më të errëta duhet të përqendrohemi për të parë dritën.”
Cit.: Aristoteli
🙏 Lajme të mira mbi mbrojtjen nga reinfektimi miqtë e mi!
🙏 Askush nuk dëshiron të infektohet nga SARS-CoV-2, megjithatë shumë prej nesh tashmë e ka kaluar në mënyrë natyrore sëmundjen!
🚑 Duke qenë se personeli shëndetësor është profesionalisht i ekspozuar ndaj infektimit, pyetjet e natyrshme në këtë moment janë:
❓ “Nëse kryhen mbrojtje të përshtatshme, sa është mundësia e infektimit të personelit shëndetësor?”, dhe
❓ “Sa është mundësia e reinfektimit të personelit shëndetësor?”
👉 Për t’iu përgjigjur, duhet të bazohemi gjithmonë mbi evidencat dhe studimet e kryera dhe jo mbi mendimet dhe opinionet personale apo të ekspertëve.
🇬🇧 Të dhëna shumë inkurajuese u publikuan nga Universiteti i Oksfordit (Britani e Madhe) më 23 Dhjetor 2020 në prestigjiozen New England Journal of Medicine (NEJM).
📊 Të fokusuar mbi personelin shëndetësor, në periudhën Mars-Nëntor 2020 autorët kanë studiuar:
👉 12.541 individë (sa për krahasim, Shqipëria ka më pak se 4.500 mjekë në total);
👉 11.364 prej tyre nuk e kanë kaluar sëmundjen në të gjithë periudhën;
👉 1.265 (10.1%) ishin pozitivë që në mars, kur filloi studimi.
📊 Gjatë periudhës së studimit u vrojtua se në grupin e personelit shëndetësor të painfektuar:
👉 223 (1.96%) u infektuan gjatë periudhës së studimit, nga të cilët
👉 100 individë (100 / 223 = 44.8%) ishin asimptomatikë (pra, jo të sëmurë) dhe u zbuluan gjatë testimeve rutinë, dhe
👉 123 individë (123 / 223 = 55.2%) ishin simptomatikë.
📝 Koment 1:
🇬🇧 Bie direkt në sy se sa e vogël (1.96%%) është përqindja e infektimit në periudhën pas marsit 2020, që tregon se mbrojtja e personelit shëndetësor ka qenë shumë e përshtatshme në Britaninë e Madhe.
🇦🇱 Fatkeqësisht, në Shqipëri të infektuarit ndër personelin shëndetësor në të njëjtën periudhë kanë qenë shumë më shumë, duke dëshmuar qartë mungesën e masave mbrojtëse të përshtatshme, përfshirë edhe mungesën e testimit sistematik të personelit shëndetësor.
📝 Koment 2:
🇬🇧 Nëse nuk do të bëheshin testimet rutinë, 44.8% e personelit shëndetësor të infektuar do të vazhdonte të punonte nëpër spitale me riskun e infektimit të personave të tjerë, pacientë dhe kolegë.
🇦🇱 Ja pse është e rëndësishmë të testosh në mënyrë sistematike të gjithë personelin shëndetësor … kudo … kurdo.
📊 Pasi studiuan mundësinë e reinfektimit tek 1.265 vetë që e kishin kaluar sëmundjen që përpara marsit, autorët gjetën se:
👉 2 (2 / 1.265 = 0.16%) persona të vetëm rezultuan me PCR pozitive, dhe
✅ TË DY ISHIN KREJTËSISHT ASIMPTOMATIKË.
🙏 Si rrjedhojë autorët dolën në konkluzionin se:
✅ INFEKSIONI i MËPARSHËM NGA SARS-COV-2 SHOQËROHET ME MBROJTJE NGA REINFEKTIMI PËR TË PAKTËN 6 MUAJ
🚫 Kujdes 1:
👉 Duke qenë se studimi ka zgjatur 6 muaj, kuptohet që autorët shprehen vetëm për këtë periudhë.
👉 Kjo nuk do të thotë se kjo periudhë detyrimisht nuk është më e gjatë, por mbetet për t’u verifikuar saktësisht në studime më afatgjata.
🚫 Kujdes 2:
Për shkak të karakteristikave të popullatës së studiuar, pra personel shëndetësor aktiv:
👉 Ky studim ka vlerë përgjithësuese për popullatat kryesisht me moshë <65 vjeç dhe pa sëmundje shoqëruese.
👉 Vlerësimi i mbrojtjes pas infeksionit në popullata të tjera (fëmijë, të moshuar, persona me sëmundje) duhet studiuar në studime me popullatat përkatëse.
Pra, miqtë e mi, mesazhet janë:
👉 Mbrohuni dhe mos u infektoni në rradhë të parë, por
✅ Nëse e kaloni infeksionin natyror, imuniteti juaj zgjat goxha, gjashtë e muaj e lart të paktën.
✅ Me shumë gjasë, studimet e sivjetshme do të ofrojnë periudha edhe më të gjata!
Për detaje:
https://www.nejm.org/doi/pdf/10.1056/NEJMoa2034545...
