Të shtëna me armë janë gjuajtur në drejtim të një mjeti në Lezhë gjatë mesnatës. Mësohet se rreth orës 12:00 në drejtim të mjetit me të cilin udhëtonte 25 -vjeçari Eduart Pica është qëlluar me armë.
Policia tha se nuk ka pasur të dëmtuar, por po heton për shkaqet.
Njoftimi
Në lagjen “Nënë Tereza” , Lezhë në rrethana ende të paqarta, është qëlluar me armë zjarri në drejtim të mjetit me drejtues shtetasin E.P.,25 vjeç.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes.
Nga verifikimet e bëra nga shërbimet e Policisë, rezulton se nuk ka persona të dëmtuar.
Nga shërbimet e DVP Lezhë dhe Komisariatit të Policisë Lezhë janë ngritur pika kontrolli në akset rrugore dhe vijon krehja e zonës.
