Vetëm një kompani ka paraqitur një ofertë konkrete, nga 6 që shprehën interesimin lidhur me kërkesën e KQZ për vlerësimin mbi kostot e përdorimit të sistemit dhe pajisjeve të identifikimit elektronik të zgjedhësve në zgjedhjet e 25 prillit 2021.
KQZ njoftoi se sot ishte afati i fundit për të paraqitur dokumentacionin e kërkuar, ofertën ekonomike dhe dorëzimin e pajisjes së kërkuar (mostrës) nga kompanitë.
KQZ thekson se po vlerëson ofertën, shqyrtimin e dokumentacionit dhe vlerësimin e pajisjes së paraqitur nga kompania.
“Komisioni Qendror i Zgjedhjeve zhvilloi procedurën prokuruese me objekt “Sisteme/pajisje të teknologjisë së informacionit për identifikimin elektronik të votuesve dhe verifikimin e tyre pas zgjedhor”. Sot ishte afati i fundit për të paraqitur dokumentacionin e kërkuar, ofertën ekonomike dhe dorëzimin e pajisjes së kërkuar (mostrës) nga kompanitë.
Në këtë procedurë u ftuan për të marrë pjesë 6 kompani, nga të cilat u paraqit një 1 kompani. Aktualisht, KQZ është në fazën e vlerësimit të ofertës, shqyrtimit të dokumentacionit dhe vlerësimit të pajisjes së paraqitur nga kompania” thotë KQZ.
Identifikimi biometrik i shqiptarëve për zgjedhjet e 25 prillit mund të kushtojë 25 milionë euro.
KQZ do t’i blejë këto pajisje për 5 mijë qendra votimi, dhe në cmim përfshihet edhe instalimi i makinerive, bashkë më trajnimin e stafit zgjedhor për t’i përdorur ato.
