Këngëtari i njohur i muzikës country Tyler Rich zbuloi trupin e një personi të vdekur teksa po bënte vrap në vigjilje të Vitit të Ri. Tyler përshkoi momentin e gjetjes së trupit të vdekur në pyll ndërsa vraponte në Chicopee Memorial State Park në Massachusetts, në një seri postimesh në Instagram.
“Nuk shkoi ashtu siç e planifikova mbyllja e vitit 2020. Zemra ime dhemb për këtë të ri të arfër. Ky do jetë një imazh dhe moment i jetës sime që s’do e harroj kurrë,”- shkroi ai.
Rich shpjegoi se po vraponte kur pa një të ri të shtrirë në tokë në një zonë të pyllëzuar dhe mendoi se po flinte. Më pas zbuloi se i riu kishte vdekur, ndërsa kishte një çantë të lidhur në këmbë dhe ishte shtrirë me fytyrë në tokë.
“Pasi vrapova pranë tij, u ndjeva keq për të, ai po flinte me fytyrë në tokë. Kështu që u ktheva për ta kontrolluar,”– shpjegoi këngëtari. “Kur u afrova e kuptova që nuk merrte dot frymë. Gjithçka që pashtë ishte një trup i pajetë i mbuluar me gjak. Kudo. Dukej sikur ishte e qëlluar ose goditur me forcë.”
Një çift aty pranë e la atë të përdorte telefonin e tyre dhe Rich informoi efektivët për ngjarjen e rëndë. Rich tha se viktima mund të ishte afërsisht 18 deri në 25 vjeç.
“Lëkura e tij ishte akoma e bardhë. Dukej sikur nuk kishte vdekur shumë kohë para se të shkoja atje. Policia gjeti një armë në njërën nga duart e tij nën trup, që do të thotë se mund të ketë qenë vetvrasje,”– përfundoi këngëtari.
