Ky është 30-vjeçari Riljon Lala i cili u arratis këtë të hënë nga komisariati nr. 1 i Tiranës. I riut nga Burreli, arriti t’i shpëtojë efektivëve gjatë orës 07:30.
Lala do të dilte para gjykatës ditën e sotme për vlerësimin e masës së sigurisë. 30-vjeçari u arrestua të shtunën për armëmbajtje pa leje. Ai u kap në lagjen “Ali Demi” nga grupi i posaçëm “Shigjeta”.
Autoritetet kishin marrë informacione nga qytetarë të ndryshëm se në atë lagje një person qarkullonte me armë zjarri. Sapo ishte pikasur nga efektivët, Lala tentoi arratisjen me vrap, por u kap dhe u prangos. Gjatë largimit ai hodhi armën e zjarrit në tokë.
Sot, gjykata vendosi ndaj tij masën e arrestit me burg në mungesë.
