Dy persona janë paraqitur me urgjencë në spitalin e Vlorës mbrëmjen e kaluar pasi dyshohej se ishin intoksikuar nga gazi karbonik si pasojë e përdorimit të qymyrit për ngrohje.
57-vjecari dhe 51-vjecari kanë marrë trajtim në spital ndërsa mbetet e paqartë nëse janë jashtë rrezikut për jetën. Policia njofton se grupi hetimor po punon për sqarimin e rrethanave.
Vlorë/Informacion paraprak
Në spitalin rajon Vlorë, rreth orës 20:25, janë paraqitur për ndihmë mjeksore shtetasit P. Sh., 57 vjeç dhe V. Sh., 51 vjeç, banues në Vlorë, të cilët dyshohen se janë intoksikuar nga gazi karbonik si pasojë e përdorimit të qymyrit për ngrohje.
Grupi hetimor po kryen veprimet e mëtejshme në lidhje me sqarimin e rrethanave të rastit.
