Nga Boldnews.al
Bujar Bakalli është një burrë në moshë, polic në komisariatin e policë rrugorë të Tiranës. Në supe mban një yll të vogël farë, ngjitur me uniformën që turpëron sa herë del në rrugë. Erjoni, shefi i tij i ka dhënë dhe një automjet polic Bujarit, i cili me pretekstin e ushtrimit të detyrës nuk lë rregull të qarkullimit pa shkelur.
Por Bujari është i njohur në policinë e qarkullimit, pasi mund të jetë ndër të paktët policë që markën e makinës “Mercedes Benz” e shkruan “Benc” dhe ndër të rallët që e rrahin rrugëve të Tiranës. Polic Bujari ka një episod të tillë diku nga viti 2015, kur ndaloi një automjet me pretendimin se kishte kaluar semaforin me të kuqe. Por siç duket, polici nuk ka bindur drejtuesin e mjetit dhe dy pasagjerët, të cilët, sipas raportimeve në media, thuhet se e kanë rrahur paq dhe ai është detyruar të shkojë në spital për tu mjekuar.
Nuk dihet nëse ky episod i dënueshëm dhune është hetuar ndonjëherë dhe cili ka rezultuar përgjegjës, por ato çfarë kanë ndodhur më pas tregojnë se polic Bujari nuk është aspak korrekt me ligjin, madje e shkel atë në mënyrë të përsëritur.
Por pas kësaj ngjarje polic Bujarit duket se i ka ecur mirë dhe veçanërisht këto 2-3 vitet e fundit. Erjoni, shefi i tij duket se e ka më sy të mirë Bujarin, pasi ky i fundit e realizon gjithmon planin e gjobave duke e nxjerrë nga situata e vështirë shefin e tij. Polic Bujari ka disa karakteristika që i dallon lehtësisht në çdo të ashtuquajtur “Procesverbal i konstatimit të shkeljes”.
Për shembull, Bujari nuk di të shkruaj mirë shqip, por kjo se pengon aspak që masën e gjobës për shkeljen “Pushim i mjetit në rreshtin e dytë” ta vendosë 3 mijë lekë. Por dikush duhet ti shpjegojë Bujarit, shefit të tij Erjonit dhe drejtorit të tyre z.Edmond Targaj, se pikërisht kjo gjë e vogël në dukje, quhet abuzim me detyrën.
Por masat administrative të plotësuara nga polic Bujari me yllin e vogël mbi supe kanë edhe disa të përbashkëta të tjera. Psh, fjala vjen markën e automjetit tip “Mercedes Benz”, Bujari e shkruan shkurt dhe shpejt “Benc”.
Po ashtu, shpesh, polic Bujari përton të shkruaj emrin e pronarit të mjetit duke u mjaftuar me përcaktimin “Munges” dhe nga shpejtësia (por jo se nuk di të shkruaj mirë) fjalës mungesë, harron t’ia shtojë atë ‘ë’ fundore.
Por qershia mbi tortë është emri që vetë polic Bujari shkruan për veten e tij. Aty në cepin e djathtë poshtë atij procesverbalit të konstatimit të shkeljes, Bujari shkruan emrin e tij, por me ca gërma aq të çuditshme, sa po të mos e deshifrojë ndonjë nga kolegët e tij nëpërmjet kodit të identifikimit, nuk mund ta gjesh asnjëherë se ai gjobaxhiu i vogël është një burrë i moshuar me emrin Bujar.
Bujari ështe ai polici i Erjonit që nuk di të shkruaj shqip, që shkel ligjin duke gjobitur sipas qejfit, por ama lëviz me makinë që paguhet nga taksat e qyetarëve, mban veshur uniformë policie dhe mbi supe dy yje te vegjël, jo si ato të Erjonit. Dhe Bujari nuk është i vetmi, ai tolerohet dhe mbrohet nga shefi i tij Erjon Ahmetaj. Ky i fundit nga një shef apo drejtor më lart, të cilin thotë se e ka kushëri, dhe drejtori nga një burrë i gjatë që thotë: A keni pare hajdut 2 metra të gjatë.
Pra një zinxhir abuzuesish që mbrojnë njëri-tjetrin dhe të gjithë bashkë ia fusin popullit pa iu hyrë gjemb në këmb.
Për të kuptuar sa i aftë është Erjoni i qarkullimit për të mbajtur deryrën ku e çuan miqtë, mjafton të shikosh trafikun në Tiranë. Është një tmerr i vertetë dhe kush jeton në Tiranë e di shumë mirë këtë. Por Erjoni vazhdon të rrijë në detyrë nga oligarkët e bëtoniereve, të cilët e suportojnë kudo e me çfarëdo. Nëse e keni harruar, Erjoni u pezullua disa ditë nga detyra në kohën e Pandëmisë, por u kthye sërish me firmën e “kushëririt” të tij drejtor.
