Ylli Manjani, ish-ministër i Drejtësisë, përmes rrjeteve sociale, shprehet se shembja e Teatrit Kombëtar në natën e 17 majit nuk është një problem Kushtetues, por një çështje penale.
Manjani shkruan se kjo çështje nuk mund të trajtohet si një përplasje kompetencash, por si një nga ato shkeljet ligjore që mbushën burgjet.
“A u lëshua një leje ndërtimi(për shembje), sipas nenit 39 të Ligjit për Planifikimin e zhvillimit urban?!
Nëse jo, kush guxoi të shembë Teatrin?
Nëse po, pra u lëshua leje shembje, kush e lëshoi dhe mbi çkushte ligjore?! Se që të shembësh duhet më parë të miratosh projektin e ri të zhvillimit. Mesa kemi dëgjuar ende nuk ka një projekt të ri zyrtar”, shkruan Manjani.
Postimi nga Ylli Manjani
Për çështjen e shëmbjes së Teatrit.
****
Nuk mendoj se ka shumë vend për një gjykim kushtetues, sepse nuk kemi të bëjmë me përplasje kompetencash. As përplasje ligjesh me Kushtetutën. Ndoshta ka ndonjë gjë të kësaj natyre, por nuk është ky thelbi i PALIGJSHMËRISË.
Shëmbja e Teatrit Kombëtar kërkon një proçes penal dhe/ose proçes administrativ.
Thelbi i problemit është ky:
A u lëshua një leje ndërtimi(për shembje), sipas nenit 39 të Ligjit për Planifikimin e zhvillimit urban?!
Nëse jo, kush guxoi të shembë Teatrin?
Nëse po, pra u lëshua leje shembje, kush e lëshoi dhe mbi çkushte ligjore?! Se që të shembësh duhet më parë të miratosh projektin e ri të zhvillimit. Mesa kemi dëgjuar ende nuk ka një projekt të ri zyrtar.
Atëhere si u shemb ndërtesa pa një projekt zhvillimi të miratuar?!
Që të kuptohemi, asnjë tullë nuk vihet e as hiqet nga ku është vënë pa leje ndërtimi. Ska rob në tokë që ndërton e shemb pa leje. Kështu thotë ligji që e ka bërë grupimi politik që sundon ende sot.
Atëhere çështja është e thjeshtë:
Ka apo jo leje shembje?!
Kaq!
Kjo e ndan shapin nga sheqeri.
Cilido Prokuror duhet ta kishte verifikuar kaq gjë. Është e thjeshtë.
Vonesa në hetim është e PAJUSTIFIJUAR.
****
Ky arsyetim vlen për çdo ndërtim tjetër publik apo privat që ekziston në territor.
NUK NDËRTOHET E AS SHEMBET DOT ASNJË MUR, AS EDHE NJË GARDH PA LEJE!
Të gjithë e dinë këtë ligj, zbatimi i të cilit mbushi burgjet.
Por asnjë zyrtar publik që ka urdhëruar shëmbje godinash pa leje, nuk është ende i dënuar.
