Përmes një kërkese zyrtare, Komisioni Qendror i Zgjedhjeve ka njoftuar partitë politike për përdorimin e teknologjisë në zgjedhjet parlamentare të 25 prillit 2021.
Përdorimi i teknologjisë lidhet me votimin dhe numërimin elektronik, për 20% të zgjedhësve.
“Sistemet apo pajisjet e teknologjisë së informacionit, që do të përdoren në zgjedhje do të implementohen me projekte pilot, të cilat duhet të përfshijnë jo më shumë se 20% të zgjedhësve, duke filluar nga zgjedhjet e para, pas hyrjes në fuqi të këtij ligji.
Pavarësisht nga ky rregull, në zgjedhjet e para për Kuvendin pas hyrjes në fuqi të këtij ligji, identifikimi elektronik do të shtrihet në 100% të votuesve”, njofton KQZ.
Kështu institucioni i ka bërë me dije partive që të japin sugjerimet e tyre në lidhje me zonat ku dëshirojnë që të aplikohen projektet pilote në zgjedhje, para se KQZ të marrë vendimet përkatëse.
