Partizani ende nuk është njohur me datën e re zyrtare të gjyqit në CAS. Me datë 15 dhjetor, “demat e kuq”, të përfaqësuar nga një studio ligjore spanjolle dhe nga drejtori i përgjithshëm Olsi Rama, morën pjesë në seancën dëgjimore për çështjen “Çinari”, që u zhvillua “online” për shkak të situatës së krijuar prej pandemisë.
Trupa gjykuese në CAS dëgjoi palët dhe mori në konsideratë të gjitha provat e reja të paraqitura nga Partizani. Dita e vendimit final u shty dhe siç ka theksuar drejtori Olsi Rama në të gjitha prononcimet e tij, vendimi final do të jepet brenda këtij muaji.
Megjithatë, sot shënon data 29 dhjetor dhe kur kanë kaluar dy javë nga ajo seancë e 15 dhjetorit, ende nuk ka një datë zyrtare.
