Gazetarja Arantita Brahaj, përmes një postimi në rrjetet sociale, shkruan se shumë kompani që veprojnë Offshore dhe Shell, po shesin aksionet e tyre në Shqipëri, duke humbur gjurmët, pasi duke filluar nga data 31 Janar e vitit të ardhshëm, do të jenë të detyruar që të deklarojnë zotëruesin final të tyre.
Sipas Brahajt, deri tani vendi ynë ka qenë nga të paktat shtete që Regjistrimin Final të Zotëruesve nuk e aplikonte as për Përfituesit e Parave, Kontratave dhe Licencave sensitive Publike, duke bërë që pas shumë kompanive të qendrojnë potencilisht persona të lidhur me krimin.
“Deri tani shoqëri biznesi që kanë punuar në vend, kanë paketa kontrolluese të kapitalit të regjistruara në vende ku biznesi funksionon si guaskë (shell apo offshore) dhe askush nuk ka të drejtë (as publiku as institucioni) të kuptojë kush është përfituesi final.
Në rastet pa transparencë dhe deklarim pranë institucionit, Zotëruesi final mund të jetë edhe një korporatë që konsumon të drejtën për mbrojtje të kofidencial-itetit për arsye thjeshtësisht të sekretit tregtar POR: Zotërues final mund të jetë një Kriminel që Pastron Para kriminale; një Pushtetar që transferon përqindje të korrupsionit”, shkruan gazetarja.
Postimi i plotë i Brahajt:
(Pa) Regjistri i Zotëruesve Final dhe PPP Shqiptare. Në vitin 2020 Shqipëria Miratoi një ligj që detyron kompanitë të regjistrojnë Pronarët Përfitues, ndryshe Zotëruesin Final apo zotëruesin që fshihet pas regjistrimit në parajsa OffShore dhe Shell. Ky ligj duhet të fillojë zbatim brenda 31 Janar 2021.
Deri tani shoqëri biznesi që kanë punuar në vend, kanë paketa kontrolluese të kapitalit të regjistruara në vende ku biznesi funksionon si guaskë (shell apo offshore) dhe askush nuk ka të drejtë (as publiku as institucioni) të kuptojë kush është përfituesi final.
Në rastet pa transparencë dhe deklarim pranë institucionit, Zotëruesi final mund të jetë edhe një korporatë që konsumon të drejtën për mbrojtje të kofidencial-itetit për arsye thjeshtësisht të sekretit tregtar POR: Zotërues final mund të jetë një Kriminel që Pastron Para kriminale; një Pushtetar që transferon përqindje të korrupsionit.
Deri tani Shqipëria ka qenë nga të paktat vende që Regjistrimin Final të Zotëruesve nuk e aplikonte as për Përfituesit e Parave, Kontratave dhe Licencave sensitive Publike.
Në datën 31 Janar detyrimi për regjistrim final të zotëruesve (pronarëve dhe paketës së plotë të kontrollit aksionar) bëhet aktiv. Ky detyrim Ligjor ishte një nga rekomandimet kryesore për të nxjerrë Shqipërinë nga Lista e Vendeve me Risk për Pastrim të Parave të Krimit.
Deri atë ditë, shumë kompani do të shesin aksionet e tyre për t’ju shmangur identifikimit final pas hyrjes në fuqi të ligjit. Pa- Regjistri i Zotëruesve Final është një fenomen aksiomë e Kapjes së Shtetit. Çdo vonesë për të hyrë në fuqi për Ligjin për Regjistrin e Pronarëve Përfitues është një përpjekje negative në luftën kundër pastrimit të parave, dhe kapjes së shtetit.
