Një dekret i autoriteteve greke i ka hapur rrugën zgjerimit me 12 milje të kufirit detar të Greqisë.
Pas dekretit në Tiranë ka pasur reagime të shumta, ndërsa akuzat janë drejtuar ndaj Kryeministrit Edi Rama. Heshtja e tij u interpretua si një akt i rëndë tradhëtie.
Por Rama në një reagim të tijin i konsideron si dokrra deklaratat e bëra nga politikanë të ndryshëm, ndërsa shprehet se atje ku është e mundur Greqia mund të zgjerojë kufirin me 12 milje. Gjithashtu Rama kujton se çështja e kufirit detar mes dy vendeve do të zgjidhet nga Gjykata Ndërkombëtare.
Por gazetari Dritan Kaba në një postim në rrjetet sociale, shprehet se Rama shiti në heshtje detin Jon, për interesa ekonomike të disa kompanive të naftës. Kaba shkon edhe më tej kur shkruan se fqinjët i kanë shumë dosje Ramës me të cilat e kërcënojnë.
“Pasi dështoi me turp për të shitur trojet e Kosovës, se politikanët kosovarë të të gjitha krahëve iu bënë barrikadë planeve antikombëtare të Edi Ramës, shiti në heshtje detin Jon, për interesa ekonomike të disa kompanive të naftës dhe se fqinjët i kanë shume dosje me të cilat e kërcënojnë”, shkruan Kaba.
