Cristiano Ronaldo është cilësuar si blerja më e mirë në historinë e Premier League. Manchester United pagoi 19 milion euro te Sportingu i Lisbonës në gushtin e vitit 2003 dhe siguroi shërbimet e një talenti që premtonte shumë.
Asokohe portugezi ishte vetëm 18 vjeç dhe transferimi në “Old Trafford” ishte një këmbëngulje e Sir Alex Ferguson menjëherë pas përfundimit të një ndeshje miqësore mes skuadrës portugeze dhe gjigandëve anglezë.
Historia e CR7 te “Djajtë e Kuq” ishte një sukses i madh ku ai fitoi gjithçka në nivel klubi dhe individual.
Në vend të dytë është renditur Thierry Henry. Arsene Wenger pagoi 16 milion euro në arkat e Juventusit gushtin e vitit 1999 dhe francezi u kthye në idhullin e tifozëve të ekipit londinez dhe në një nga sulmuesit më të mrekullueshëm në planet.
Podi plotësohet nga një tjetër goditje e Alex Ferguson. Skocezi i famshëm pagoi vetëm 1.8 milion euro te Leeds United për të siguruar shërbimet e Eric Cantona. Ishte nëntori i vitit 1992 dhe Cantona kalonte në “Old Trafford”, aty ku do të dhuronte magji të paharrueshme.
https://twitter.com/SkySportsNews/status/1342847639990067201?ref_src=twsrc%5Etfw%7Ctwcamp%5Etweetembed%7Ctwterm%5E1342847639990067201%7Ctwgr%5E%7Ctwcon%5Es1_&ref_url=https%3A%2F%2Fabcnews.al%2Fblerjet-me-te-mira-te-historise-ne-premier-dominon-manchester-united%2F
