Këngëtarja e famshme me origjinë shqiptare, Bebe Rexha, iu ka ardhur gjithmonë në ndihmë fansave të saj dhe së fundmi ka bërë një gjest shumë fisnik për ta. Këngëtarja ka premtuar se disa prej ndjekësve të saj do ju paguajë faturat e Krishtlindjeve, për t’ju lehtësuar shpenzimet në këto kohë festash.
“Dua të paguaj disa nga faturat tuaja për Krishtlindje. Vendosni emrin tuaj dhe vlerën e faturës këtu. Unë do t’ju kontaktoj dhe ju do më tregoni faturën”, ka shkruar Bebe në një postim.
Kujtojmë se Bebe iu është gjendur gjithmonë pranë fansave të saj në mënyra nga më të ndryshmet.
Kujtojmë gjithashtu se vitin e shkuar, Bebe erdhi enkas nga Amerika për të ndihmuar familjet nga tërmeti i 26 nëntorit. Ajo vizitoi fshatin Bubq dhe me të ardhurat e saj ndërtoi shtëpinë e një familjeje, që ishte shkatërruar plotësisht nga tërmeti i fuqishëm.
