Kina ka pezulluar fluturimet për dhe nga Mbretëria e Bashkuar për shkak të variantit të ri të koronavirusit.
Duke folur para gazetarëve, zëdhënësi i Ministrisë së Punëve të Jashtme kineze Wang Wenbin, u shpreh se:
“Duke marrë parasysh natyrën e virusit të ri, pas shumë konsideratash, Kina ka vendosur të ndjekë shembullin e vendeve të tjera dhe të pezullojë fluturimet nga dhe për në Mbretërinë e Bashkuar. Kina do të monitorojë nga afër zhvillimet përkatëse dhe do të rregullojë dinamikisht masat e kontrollit në varësi të situatës. “
Varianti i ri i koronavirusit është zbuluar edhe në disa vende të tjera si Gjermani, Itali, Holand, Belgjik, dhe Australi.
Dhjetëra vende kanë mbyllur kufijtë me Britaninë, ndërsa për mutacionin deri më tani dihet se është ndjeshëm më lehtë i transmetueshëm.
