Katër muaj para zgjedhjeve parlamentare, Komisioni Qendror i Zgjedhjeve miratoi propozimin e opozitës për të ndaluar qeverinë që japë kontrata koncensionare dhe PPP.
Propozimi u pranua edhe nga përfaqësuesi i PS, Eridian Salianji.
“Katër muaj para datës së zgjedhjeve deri në ditën e zgjedhjeve ndalohet dhënia e kontratave publike te koncesionit/PPP, për të cilat nuk është bërë njoftim publik se do të zhvillohen, nuk janë vijim i një procedure koncesionare të nisur, apo nuk janë parashikuar për t’u financuar nëpërmjet buxhetit të miratuar të vitit zgjedhor”, – ishte vendimi i KQZ.
I tillë ishte edhe propozimi apo kërkesa e bërë nga opozita.
KQZ kishte mbetur pa një miratim deri tani pasi kërkesa nuk po pranohej nga përfaqësuesit e mbështetur nga qeveria. Duket se ka pasur një tërheqje nga maxhoranca në orët e fundit, çka bëri që ky propozim të miratohet.
