Zbardhen detaje nga ngjarja e ndodhur pak ditë më parë, ku një i ri në Himarë u gjet me fyt të prerë dhe hematoma.Nga të dhënat e fundit mësohet se personi në fjalë një i ri, 26 vjeçar, ka tentuar të vrasë veten, duke prerë damarët në fyt.
Ai është paraqitur rreth orës 13:00 të datës 21 dhjetor, në qendrën shëndetësore më pas u nis me urgjencë drejt spitalit rajonal të Vlorës. Fakti se është vetplagosur konfirmon, sepse është gjetur dhe ambalazhi i thikës, pranë vendit ku u gjet personi.
Gjithashtu është hetuar më tej dhe është marrë në pyetje dhe shitësja e dyqanit e cila ka zbardhur bisedën me shtetasin në fjalë.
“I vetplagosuri i ka kërkuar një thikë për të prerë bukën,shitësja i ka treguar një thikë mesatare dhe e ka pyetur:”a të bën punë kjo”? (Thikë buke) ai i është kthyer “mirë është dhe kjo,më mbaron punë””, mësohet të ketë qnë dialogu mes të riut dhe shitëses.
Nga blutë e Vlorës konfirmohet se bëhet fjalë për shtetasin N.D 26 vjeç me origjinë nga Trevllazëri i Vlorës dhe banues në Sarandë.
Ky shtetas më herët është diagnostikuar me probleme të shëndetit mendor. Ai jetonte në Sarandë me të ëmën dhe fakti që ka zgjedhur Qafën e Vishës, konfirmon dhe më tej faktin e vetplagosjes, pasi është zona e pafrekuentuar nga qytetarët të cilët nuk disponojnë një automjet.
Momentalisht 26-vjeçari ndodhet në gjendje kome, por me shenja jete. Trupi i tij është gjetur në rrugën kryesore, ku nuk ka pasur kamera sigurie.
