Kryetari i PD-së, Lulzim Basha deklaroi sot se çmimet e energjisë në Shqipëri janë më të larta në Ballkan.
Nëpërmjet një video, Basha akuzon qeverinë se nuk mbajti premtimin për uljen e çmimit të energjisë.
“Rritja e çmimeve të energjisë i ka varfëruar edhe më shumë shqiptarët. Mjaft më. Le të sjellim së bashku ndryshimin dhe t’i japim dritë të ardhmes”, shkruan Basha.
“Mos harroni të fikni drita para se të dilni nga shtëpia. Sepse çmimet e energjisë janë më të lartat në Ballkan. Rama premtoi t’i ulte ato, por dështoi. Çmimet e energjisë janë më të larta se kurrë, le t’ja fikim drita regjimit të tij dhe të sjellim një energji të re për vendin tonë”, thuhet në videon e publikuar.
