Presidenti i zgjedhur në SHBA, Joe Biden ka marrë dozën e parë të vaksinës anti-COVID, në transmetim “live” nga Newark, Delaware.
Në krah të tij qëndronte bashkëshortja, Jill Biden.
Duke dhënë shembull për qytetarët njëlloj si figura të tjera publike, Biden-it iu injektua doza e parë e vaksinës së Pfizer gjatë një transmetimi televiziv sot.
Ky lloj vaksinimi në sytë e të gjithëve është bërë në mënyrë që t’u tregohet amerikanëve që vaksinat janë të sigurta.
Po sot, në SHBA do të bëhen edhe dozat e para të vaksinës së prodhuar nga Moderna duke sjellë në një farë mënyre shpresë në vendin më të prekur në botë nga pandemia.
