Kryetari i Dhomës Britanike të Tregëtisë Zenel Hoxha në një intervistë të dhënë për emisionin ‘Pasdite me Xhaxhiun’ futi në sitë situatën ekonomike të vendit dhe impaktin e goditjeve që ajo ka marrë prej pandamisë së koronavirusit. Zeneli shprehet se sektorët më të prekur të ekonomisë janë fasonët dhe industria e turizmit, të cilët dhe për shkak dhe të vijimit të pandemisë do të vazhdojnë të jenë në vështirësi dhe në vitin e ardhshëm.
Për sa i përket planit të ndihmës qeveritare për biznesin dhe mbrojtjen sociale, Zeneli thekson se masat janë të pamjaftueshme dhe ato duhet të përqëndrohen tek moshumbja e vendit të punës prej qytetarëve.
“Shqipëria nuk mund të funksionojë si një vend i izoluar. Së pari kemi një mungesë të madhe të integrimit të ekonomsisë shqiptare, si në aspektin rajonal dhe atë ndërkombëtar. Sigurist që kjo ka efektin e saj të vet. Siç dihet në masën 72% tregëtia ndodh me Italinë, e cila është goditur jashtë mase nga pandemia dhe shumë kontrata kanë mbetur në ajër.
Sektori më i rëndësishëm në këto 30 vite për sa i përket bashkëpunimit ka qenë ai i prodhimeve fason. Kemi një numër shumë të madh të qytetarëve shqiptar të angazhuar në këtë sektor dhe shumë prej tyre kanë mbetur të papunë.
Gjithashtu turizmi dihet se është një nga sektorët më të goditur. Qeveria shqiptare duhet të kishte marrë masat e nevojshme jo vetëm në mbrojtjen sociale, por investime në mbrojtje të vendeve të punës.
Mos të flasim për bujqësinë e cila vijon të jetë nga më të prapambeturat. Nuk po mendohet për muajt në vijim dhe variant i ri koronavirusit mund ta thellojë akoma më shumë krizën ekonomike gjatë vitit të ardhshëm”, tha Zeneli.
