Sindikata e Minatorëve të Bashkuar të Bulqizës, nëpërmjet rrjeteve sociale shkruan se nesër do t’i dorëzojnë institucioneve më shumë se 10 mijë firma për statusin e minatorit.
Më tej, ata shprehen se mes shumë vështirësive, kanë arritur të marrim një mbështetje të jashtëzakonshme.
Reagimi i plotë
NESËR IU DORËZOJMË INSTITUCIONEVE MË SHUMË SE 10 000 FIRMA PËR STATUSIN E MINATORIT
Sot u mbyll java e katërt e fushatës së Peticionit për Statusin e Minatorit. Mes shumë vështirësive, kemi arritur të marrim një mbështetje të jashtëzakonshme. Më shumë se 10 000 firma: rreth 2 000 vetëm ditën e sotme.
Nesër në orën 12:00 do ju dorëzojmë institucioneve Peticionin me kërkesat tona, si dhe nënshkrimet. Kuvendi, Qeveria, Ministria e Financave dhe Ministria e Infrastrukturës duhet të marrin parasysh kërkesën tonë, të reagojnë sa më shpejt dhe të realizojnë këtë të drejtë të mohuar prej 30 vjetësh.
Nëse bashkohemi dhe reagojmë, do të fitojmë!
