Juventusi fitoi lehtësisht ndaj Parmës duke i mundur me rezultatin e thellë 0-4. Bardhezinjtë siguruan fitoren falë dygolëshit të Cristiano Ronaldos dhe rrjetave të Dejan Kulusevskit e Alvaro Moratës.
Talenti suedez zhbllokoi takimin në mesin e pjesës së parë, duke ndëshkuar ish-ekipin e tij. Tre minuta më vonë Juventusi gjeti golin e dytë. Asisti i dytë për Alvaro Moratën dhe finalizim me kokë i CR7 pas një kërcimi të bukur.
Ylli portugez gjëti sërish rrugën e rrjetës në minutën e 48-të. Diagonale e saktë dhe topi në rrjetë, teksa ky ishte goli i 12-të sezonal në Serie A.
Në fund pati festë edhe për Alvaro Moratën, i cili shënoi me kokë, duke vulosur triumfin me “poker”.
