Pas nëntë ditësh, ka mbërritur në Rinas trupi i pajetë i mjekut neurolog Drini Dobi, i cili humbi jetën në Itali si pasojë e Covid 19.
Mjeku i njohur Dobi u nda nga jeta në datën 9 dhjetor në moshën 51-vjeçare, duke lënë pas dhimbjen te të gjithë familjarët, miqtë dhe të gjithë pacientët që ka trajtuar në të gjitha vitet e karrierës së tij.
Neurologu Dobi 51-vjeç rezultoi pozitiv me COVID-19 më 22 nëntor dhe me kalimin e kohës gjendja e tij shëndetësore u përkeqësua.
Përpara se të nisej në Itali, Dobi shfaqi komplikacione të rënda dhe në rrjetet sociale u iniciua fushatë për financimin e kurimit të tij. Drini Dobi ka qenë mjek neurolog në QSUT prej më tepër se dy dekadash.
Miq dhe kolegë të tij kanë pritur trupin e të ndjerit, i cili do ti drejtohet gjatë ditës së nesërme banesës së fundit.
