Tirana vijon përgatitjet për ndeshjen e ditës së shtunë ndaj Skënderbeut. Bardheblutë pas dy fitoreve radhazi kërkojnë 3 pikëshin e radhës me sfidën që do të luhet në transfertën e Korçës.
Skuadra vijon normalisht përgatitjet, ndërsa dje është stërvitur në bar artificial. Agustin Torassa është stërvitur i diferencuar nga pjesa tjetër e lojtarët për të evituar ndonjë dëmtim në barin artificial. Sa herë që skuadra është stërvitur në një fushë të tillë, argjentinasi ka pësuar gjithmonë dëmtim e për këtë arsye te Tirana nuk duan të rrezikojnë duke parë dëmtimet që kanë ndodhur në këtë fillim sezoni.
Lajmi i mirë për trajnerin Dede është rikthimi i mbrojtësit Toshevski. Maqedonasi pritet ta nisë si titullar ndeshjen ndaj Skënderbeut e mund të marrë vendin e Vangjelit ose Grent Halilit në krah.
