Situata te Lazio nuk paraqitet aspak e qetë pas javës së 11-të të Serisë A.
Së fundmi, presidenti i klubit, Claudio Lotito, ka mbetur i pakënaqur me paraqitjet e ekipit bardhekaltër dhe mënyrën e menaxhimit të situatës prej teknikut Simone Inzagi.
Madje, kreu i klubit lacial i ka vendosur ultimatum trajnerit se dy ndeshjet e ardhshme të kampionatit ndaj Napolit dhe Milanit janë vendimtarë për të përcaktuar të ardhmen e tij.
Lajmi raportohet mëngjesin e sotëm nga “Il Messaggero”, i cili shton se rinovimi i paralajmëruar i 44-vjeçarit pas kalimit të grupeve të Ligës së Kampioneve ka mbetur pezull pas barazimit me Beneventon.
Mosmenaxhimi i mirë i skuadrës, 18 pikë pas 12 javëve konsiderohen si shkaqet kryesore të ftohjes mes Lotitos dhe Inzagit.
