Ditën e sotme ka dalë para gjykatës shqiptari Veap Dehari, i njohur edhe si Sokol Tace. Siç bëjnë të ditur mediat huaja gjykata ka pranuar për të shkurtuar dënimin e tij. Dehari, akuzohet për vrasjen e dy vëllezërve shqiptarë më 10 tetor 1998 në Osio Sotto.
Ndërkohë, mediat bëjnë me dije se para gjykatësit hetues, Maria Luisa Mazzola dhe prokurorit Paolo Bettini, Dehari, i ndihmuar nga avokatët, bëri kërkesë për procedurë të shkurtuar, ku dhe më pas i është pranuar, në varësi të marrjes në pyetje të bashkëpunëtorit të pretenduar, Peter Deja alias Almir Harun, i dënuar me burgim të përjetshëm në Shqipëri.
Marrja në pyetje do të bëhet nëpërmjet letër porosive nga autoritetet italiane dhe seanca tjetër është caktuar për më 2 shkurt. Për hetuesit, vrasja e dyfishtë ishte larje hesapesh në lidhje me çështjet e prostitucionit.
Flamur dhe Astrid Kolaveri, vëllezër shqiptarë të moshës 26 dhe 27 vjeç, vdiqën me të shtëna me armë. Dehari ka qenë gjithmonë njëri nga dy të dyshuarit nga karabinierët. Duke përdorur disa pseudonime, ai u kthye në Shqipëri kur përmes Interpolit megjithatë u gjurmua dhe u arrestua më 3 korrik 2019.
Më 17 nëntor, ai u ekstradua në Itali dhe më 4 shtator u lirua nga burgu i Kremones për shkak të skadimit të afateve të paraburgimit i ndikuar nga periudha e izolimit për shkak të pandemisë. Kjo është arsyeja pse ai ishte në gjendje të paraqitej i lirë në gjykatë. Dehari ishte zhdukur menjëherë pasi trupat e pajetë u gjetën. Në Shqipëri, autoritetet kishin gjurmët e tij për ngjarje të tjera, kështu që kur u bë krahasimi dhe dha rezultat pozitiv, shqiptari u arrestua.
