Mesfushori shqiptar i Arsenalit, Granit Xhaka, u ndëshkua me karton të kuq për shkak të kapjes për fyti të Ashurn Westwood, lojtar i Burnley, gjatë pjesës së dytë të ndeshjes së Premier League, të dielën në mbrëmje.
Skuadra e Mikel Arteta vazhdoi të humbasë. Kjo ishte disfata e shtatë e sezonit në vetëm 12 ndeshje të Premier League.
Pas ndeshjes, Patrice Evra e kryqëzoi mesfushorin shqiptar, teksa kujtoi një histori të përjetimit të Tierry Henry ndaj 28-vjeçarit. Kjo gjë, sipas tij, përmbledh se si “legjendat e klubit ndjehen për të”. Evra tha gjatë komentit në “Sky Sports”, pas ndeshjes: “Ne po flasim për Xhakën, unë do t’ju tregoj një histori të shpejtë. Thierry Henry më ftoi një ditë në shtëpinë e tij. Ai më tha: Eja Patrice, do të shikojmë ndeshjen e Arsenalit bashkë. Ai ndezi televizorin. Imazhi i parë që pamë në ekran ishte Xhaka, duke udhëhequr Arsenalin, duke qenë kapiten.
Thierry Henry e fiku menjëherë televizorin. Unë e pyeta se çfarë ndodhi. Ai tha: Nuk mund ta shikoj ekipin tim me Xhakën kapiten. Dhe nuk e pamë ndeshjen. Ne filluam të flasim për shumë gjëra, teksa Tierry e fiku ekranin. Kjo tregon gjithçka që legjendat e këtij klubi mendojnë për të. Ai përsëri e la në baltë ekipin e tij. Ne e kritikuam Pepe aq shumë, por Xhaka nuk është hera e pare që bën kësi veprimesh”. Mbaj mend para dy vitesh, bëra një koment për lojtarët e Arsenalit që sillen si fëmijë në fushën e lojës dhe Xhaka më akuzoi. Por në ndeshjen pasardhëse ai zëvendësohet dhe flak bluzën përdhe. Kështu mendoj që ai e ka mbushur kupën dhe fansat e Arsenalit duan largimin e tij.
https://twitter.com/AFCPW/status/1338236699546148864?ref_src=twsrc%5Etfw%7Ctwcamp%5Etweetembed%7Ctwterm%5E1338236699546148864%7Ctwgr%5E%7Ctwcon%5Es1_&ref_url=https%3A%2F%2Ftelesport.al%2Fpatrice-evra-sulmon-ashper-shqiptarin-thierry-henry-fiku-televizorin-prej-granit-xhakes%2F
