Vllaznia ka mposhtur në “Loro Boriçi” 1-0 Partizanin duke hedhur zyrtarisht kandidaturën për titull kampion.
Goli i fitores për kuqeqblutë është shënuar në minutën e 88-të me anë të sulmuesit Dilaver. 30 vjeçari shënoi pas një kundërsulmi vrastar të skuadrës së tij. Boshnjaku nuk fal përballë portës, pas asistit të Da Silvës.
Vllaznia merr kështu fitoren e 3-të radhazi, ndërsa ngjitet në kuotën e 19-pikëve e vetme në kryesim. Nga ana tjetër, Partizani merr zhgënjimin e radhës teksa numri i ndeshjeve radhazi pa fitore shkon në tre. Të kuqtë vazhdojnë të mos shënojnë teksa në 3 sfidat e fundit kanë “agjëruar” përpara portës.
Nga ana tjetër Kukësi ka mposhtur 3-1 Skënderbeun dhe vazhdon të jetë në ndjekje të Vllaznisë. Verilindorët në 8-të javë numërojnë 16- pikë.
Sfida tjetër mes Teutës dhe Laçit është mbyllur në barazim 1-1.
