Një ditë para zgjedhjeve presidenciale ne SHBA ka rrezik terrorist. Kjo është deklarata e shërbimeve sekrete amerikane të cilët kanë lëshuar sot alarmin.
Mendohet se Al Kaeda, sipas televizionit CBS-së, mund të ketë planifikuar sulme terroriste në tre shtete amerikane. Në shënjestër mendohet të jenë Nju Jorku, Teksasi dhe Virxhinia.
Nga ana tjetër qeveria amerikane i druhet një sulmi të gjerë kibernetik nga ana e Rusisë ose nga vende të tjera me objektivin për të krijuar kaos ditën e zgjedhjeve presidenciale, të martën më 8 nëntor.
“Për t’i paraprirë këtij rreziku është duke zhvilluar një sforcim të paprecedent të koordinuar nga vetë Shtëpia e Bardhë dhe Departameti i Sigurisë Kombëtare, me mbështetjen e Pentagonit dhe të agjencive kryesore të shërbimeve sekrete, CIA dhe NSA”, thekson nga ana e tij televizioni NBC që citon funksionarë pranë administratës Obama.
