Reperi Stresi u shpall në kërkim nga policia pasi mori pjesë në protestë për Klodian Rashën. Por ndërkohë që kërkohej në banesën e tij në Tiranë, reperi udhëtoi në Kosovë. Në një rrëfim për Prive, Stresi ka zbuluar se si arriti të arratisej drejt Kosovës.
“Mora një shok të timin që punon me makinat e varrimeve, vetëm për të dalë nga protesta. Kemi shkuar deri në Laç me të. Aty pastaj drejt Kosovës”, ka treguar reperi duke falenderuar gjithë miqtë që e ndihmuan të shkonte drejt Kosovës.
Ai shprehet sërish se kjo protestë është organizaur 100% prej tij në çdo detaj. Reperi ka thënë se në protestë nuk ishin personalisht për ministrin Lleshaj që dha dorëheqjen, por për institucionet dhe kabinetin e Rilindjes.
Stresi ka folur edhe për sherrin që reperi Big Kik pati me disa përkrahës të Noizy-t në protestë. Reperi tha se ai nuk e di për çfarë ka lindur sherri mes tyre, por thjesht ndërhyri në mes për t’i ndarë, sepse ishin në protestë për një kauzë tjetër. Ai u shpreh se në protestë nuk ka lejuar asnjë parti politike, madje as përkrahës të Partisë Demokratike, për të cilën ka shprehur dhe vetë mbështetjen publikisht.
View this post on Instagram
