Motra e Cristiano Ronaldos, Elma Aveiro, ka postuar një foto të Lionel Messiit duke adhuruar vëllain e saj, pas fitores 3-0 të Juventusit ndaj Barcelonës në Ligën e Kampionëve, të martën.
Portugezi shënoi dy herë nga pika e bardhë në atë takim. Më pas, ai pretendoi se kurrë nuk e ka parë argjentinasin si një rival, por motra e tij e bën të qartë rivalitetin, kur përdori rrjetet sociale për të lavdëruar vëllain.
“Mbreti im. Më i miri ndonjëherë. Krenaria e jetës sime”, – postoi ajo, së bashku me një foto të Messit, duke u përkulur në këmbët e yllit të Juves.
Shumë ndjekës e kanë vlerësuar këtë foto si të tepruar duke parë që marrëdhënia me njëri-tjetrin e dy yjeve është e qetë dhe të paktën në fushën e lojës respekti ndaj njëri-tjetrit nuk ka munguar asnjëherë.
View this post on Instagram
