Reperi Stresi vijon të ‘sulmojë’ të gjithë personazhet publike që nuk kanë marrë pjesë në protestat që po zhvillohen për të kërkuar drejtësi për Klodian Rashën që u vra nga efektivi i policisë në fillim të javës.
Pas protestës së djeshme, Stresi ka publikuar një video në të cilën efektivët e policisë dhunojnë të riun Mario Boja. Video tashmë është fshirë nga profili i reperit.
Teksa jep ultimatum për shkarkimin e Ardi Veliut deri ditën e dielë, reperi shkruan se nuk është mbështetës i PS, si Alketa Vejsiu e Ermal Mamaqi. Ai shprehet se vetë nuk është as me PD, as me LSI, por me drejtësinë.
Ditën e djeshme Stresi u përfshi në një debat edhe me Einxhel Shkirën. Kjo e fundit në një status në rrjetet sociale shkruante se nuk doli në protestë në respekt të dhimbjes së familjes së 25-vjeçarit. Më tej, Einxhel dënonte dhunën dhe shkatërrimet e kryera nga protestuesit në kryeqytet.
