Pas Korçës dhe Beratit, qytetarët po protestojnë edhe në Lezhë pas vrasjes së të riut Klodian Rasha nga një efektiv policie.
Siç shihet edhe në pamje, protesta është masive përpara Drejtorisë së Policisë Lezhë.
Protestuesit, kërkojnë dorëheqjen e ministrit të Brendshëm, Sandër Lleshaj, duke kërkuar kështu drejtësi për vrasjen e 25-vjeçarit Klodian Rasha.
Një ditë më parë, protestë masive u organizua në Tiranë. Qindra protestues u përplasën me policinë fillimisht te Ministria e Brendshme, më pas te Kryeministria e më tej shkuan në Sheshin Skenderbej.
Forcat Speciale përdorën gaz lotsjellës dhe spraj për të shpërndarë turmat e qytetarëve.
Në orët e vona, në thyerje të orës policore, qytetarë marshuan paqësisht drejt banesës së Klodian Rashës.
