Gazetari Enkel Demi ka ironizuar në rrjetet sociale Krzeministrin Edi Rama, i cili pritet të flasë lidhur me ngjarjen e rëndë, ku nga një oficer policie u ekzekutua një i ri 25-vjeçar.
Demi shkruan se Rama do na tregojë vuajtjet e tij që ia kalojnë ku e ku “Djaloshit Verter”. Do flasë për familjen e Klodianit që e do sikur ta ketë të vetën.
“Pastaj për herë të 1000 do betohet për 21 janarin dhe do të tregojë gishtin tek kriminelët e vërtetë. Do Zoti dhe gjen kohë e nge të mallkojë gazetarët…”, shkruan Demi.
Postimi i Enkel Demit
Në orën 18.00 do dalë dhe do qahet sa shumë i ramë në qafë, se policia e tij vrau njeri.
Do na tregojë vuajtjet e tij që ia kalojnë ku e ku Djaloshit Verter. Do flasë për familjen e Klodianit që e do sikur ta ketë të vetën.
Pastaj për herë të 1000 do betohet për 21 janarin dhe do të tregojë gishtin tek kriminelët e vërtetë. Do Zoti dhe gjen kohë e nge të mallkojë gazetarët…
Kurse për fatin e Sandër Lleshajt do të kemi ministrin e vazhdimësisë.
Duhet vetëm që inventari i gazit lotsjellës të lihet me pikë e presje në rregull.
