Humbja e shikimit zakonisht ndodh gradualisht teksa ekspertët e Shëndetësisë thonë se shenjat paralajmëruese mund të jenë të tilla që ne nuk i vërejmë derisa ato të fillojnë të shkaktojnë probleme më serioze, siç është glaukoma.
Ekzistojnë disa simptoma që tregojnë se duhet të vizitoni një specialist. Ekspertët e Shëndetësisë thonë se ne vetëm vërejmë ndryshime në shikim me kalimin e kohës, edhe kur ato janë të vogla ose graduale. Ekzaminimi i rregullt i syve është thelbësor për diagnostikimin e hershëm të sëmundjes së syrit dhe korrigjimin e shikimit.
Për shumicën e të rriturve, shenja e parë që shikimi po ndryshon është drejtimi i vështirë i automjetit gjatë natës. Kur lëvizni me makinë natën, kushtojini vëmendje nëse mund të shihni qartë makina të tjera dhe shenja trafiku. Nëse dritat ju shqetësojnë shumë gjatë natës, nuk mund të shihni shenjat ose keni vështirësi në dallimin e objekteve, shkoni te një okulist.
Shëndeti i përgjithshëm, nga ushqimi deri te zakonet e gjumit, mund të ndikojë në sy.Mjekët thonë se nëse kohët e fundit jeni diagnostikuar me diabet, lupus, një çrregullim tiroid ose ndonjë gjendje tjetër që mund të ndikojë në sytë tuaj, duhet të konsultoheni me një okulist.
Po ashtu, ekzaminimet në sy jo vetëm që identifikojnë ndryshimet në shikim, por gjithashtu i japin okulistit mundësinë për të vlerësuar shëndetin e syrit dhe qepallave. Megjithëse disa infeksione largohen vetë, shumë janë ngjitëse dhe ekzistojnë mundësi për pasoja të qëndrueshme. Nëse ndjeni kruajtje, vëreni skuqje, ekspertët thonë se është koha për një kontroll.
Çrregullimet gjatë shikimit me njolla dhe aura, mund të vëreni edhe grimca të vogla lundruese. Nëse kjo ndodh papritur, një ndërhyrje e tillë mund të tregojë shkëputjen e retinës ose probleme të tjera serioze të retinës, kështu që drejtohuni menjëherë tek mjeku për një ekzaminim.
Nëse nuk keni ndonjë nga simptomat, Ekspertët e Shëndetësisë thonë se duhet të kontrolloni shikimin tuaj të paktën një herë në dy vjet.
